هذه المشاركه هديه مني لجميع أعضاء المنتدى أتمنى أن تنال إستحسانكم
طعت العواذال وخليتني ابكيك
وأنت بعتني وأنا شاريك
لكن خلك بهجرك وتماديك
أبيك تفقد شخص كان مغليك
أبي اسمع بكاك بسبب ثقلك
وأبي أشوف الحسره بعيونك
أنا جبت لك القصايد تعزيك
وتبلغك رساله شخص كان يفديك
لكن أنا بعد كلمتك ماأبيك
يوم تقول تركي ماأبيك
(( عسـى جدة تشتعـــل نيراان عقب فرقاكــ ))
=========================================
يسأل عن أخباري بعد غيبة سنه وشهرين
رجع شايل وجع صدره وقال أرجوك واسيني..
رجع كنه يحسبني سعيد بدنيتي أو زين
وهو مايدري الدمعة لو تراخت تسليني..
دمع هالوجه كنه جمع في غيبته جرحين
وأنا عيني بدت تدمع على حزنه وتبكيني..
يقول الدنيا خانتني وبعدك ياصقر سكين
وأنا جيتك بها لليله وتكفى لا تخليني..
وأنا لا من نطق (تكفى)..عطيته لو طلب (هالعين)
وأجود بكل ما يملك خفوقي وتملك ايديني..
وقلت: ابشر ولا يهمك تدلل وش تبي يازين
تراني فدوة عيونك (لو انك جيت تشقيني)..
حبيبي لو تبي القمره عطيتك فوقها ثنتين
بعد لو تطلب النجمه ابنطق جيتك اضويني..
وبعد هذا ضحك..وبعثرت همومه سلهم الرمشين
وقال الله يالطيب وأنا ظنيت ناسيني..
صراحه حيــــل تحرجني ياطيب يا أطيب الغالين
ولا ادري كيف ابوفي لك حبيبي وانت تعطيني..